ABŞ Müdafiə Nazirliyi (Pentaqon) İranın cavab hücumunun hələ də baş tutmamasını ABŞ-ın bölgədəki hərbi mövcudluğu ilə yaratdığını iddia etdiyi çəkindirmə ilə əlaqələndirib.
Turkustan.az xəbər verir ki, ötən gün “Hürriyet”in suallarını cavablandıran Pentaqonun sözçüsü Sabrina Sinq, “İranın hesablamalar aparmasında mütləq təsirli olduğumuzu düşünürəm” dedi. Sözçünün sözlərinə görə, ikinci təyyarədaşıyan USS Abraham Lincoln, İranın cavab təhdidindən sonra ABŞ-ın bölgəyə yerləşdirdiyi döyüş gəmiləri və F-22 döyüş təyyarələri Tehranın planlarını alt-üst edib. "Biz qüvvələrimizi qorumaq üçün bölgədə olduğumuzu və ehtiyacımız olsa İsrailin müdafiəsində həmişə yanında olacağımızı söylədik" dedi. “Bunun İranın hesablamalarına təsir edib-etməməsinə gəlincə... Düşünürəm ki, bu, qərarların qəbulu prosesinə təsir edib.
Hizbullahın keçən həftə İsrailə qarşı intiqamının böyük bir münaqişəyə çevrilməməsindən sonra İranın hücumunu məhdudlaşdırıb saxlamayacağına münasibət bildirən Sinq deyib: “Sizə deyə bilərəm ki, heç kim regional müharibə görmək istəmir. "Biz bunu qətiyyən istəmirik" dedi.
İsrail ordusu işğal altındakı İordan çayının qərb sahilinin şimalında keçirdiyi hərbi əməliyyatda HƏMAS liderini və iki silahlını məhv etdiyini açıqlayıb. Ordu Cenin şəhərində əməliyyat zamanı Visam Hazimi vuraraq öldürdüyünü bildirib. Açıqlamada qeyd olunub ki, sərhəd polisi Həzimi maşında “tutub zərərsizləşdirib”. Ölən digər iki nəfərin isə Maysara Maşarqa və Ərafat Amer olduğu bildirilib. HƏMAS-ın silahlı qanadı İzzəddin əl-Qəssam Briqadaları Hazimin Cenin düşərgəsinin lideri olduğunu, Maşarka və Amerin isə təşkilatın üzvləri olduğunu təsdiqləyib. Digər tərəfdən, İordan çayının qərb sahilində son iyirmi ilin ən böyük əməliyyatlarından birini həyata keçirən İsrail ordusu əməliyyat başlayandan bəri ən azı 19 fələstinlini şəhid edib.
Eltac Zülfüqaroğlu/Turkustan.az
