2022-ci ilin fevralında başlayan Rusiya-Ukrayna müharibəsi son həftələrdə intensivliyini artırsa da, Rusiyanın sürətlə irəliləməsi, Ukrayna sıralarında əsgər və sursat çatışmazlığı Kiyevə dəstək verən Qərb ölkələrində də narahatlıq yaradır.
Turkustan.az xəbər verir ki, Böyük Britaniya Birləşmiş Qüvvələr Komandanlığının keçmiş komandanı general Riçard Barrons Ukraynanın 2024-cü ildə Rusiya tərəfindən məğlub edilə biləcəyini deyib.
Barrons BBC-yə deyib ki, Ukrayna bu il müharibəni uduzması ilə bağlı “ciddi risk” var.
Barronsun fikrincə, bunun səbəbi Ukraynanın qalib gələ bilməyəcəyini hiss etməyə başlamasıdır. Ukrayna ordusunun döyüş sursatı, əsgərləri və hava hücumundan müdafiə vasitələrinin kritik şəkildə azaldığına diqqət çəkən İngilis general, "İş bu nöqtəyə gəldikdə, niyə insanlar müdafiə oluna bilməyənləri müdafiə etmək üçün daha çox döyüşmək və ölmək istəsinlər?"
Keçən il Ukraynanın əks hücumu ilə bağlı böyük gözləntilər yaranmışdı, lakin onlar rus qüvvələrini tutduqları torpaqlardan sıxışdırıb çıxara bilmədilər. İndi Moskva yay hücumuna hazırlaşır.
General Barrons deyib: "Rusiyanın cəbhə xəttini vurduğunu, artilleriya, döyüş sursatı və yeni silahlarla gücləndirilmiş canlı qüvvədə beşə bir üstünlük əldə etdiyini görürük. Bu yay bir mərhələdə Ukrayna xətlərini yarmaq üçün Rusiyanın böyük bir hücumu görəcəyini gözləyirik. Bu baş verərsə, Rusiya qüvvələri Ukrayna ordusunu dayandıra bilməyəcək."
Londonda yerləşən RUSI analitik mərkəzinin quru müharibəsi üzrə baş elmi işçisi Jack Watling, "Ukraynanın üzləşdiyi problemlərdən biri rusların öz qüvvələrini harada yerləşdirməyi seçə bilməsidir" dedi.
Uotlinqin sözlərinə görə, "Ukrayna ordusu ərazilərini itirəcək. Əsl sual budur: Nə qədər və hansı bölgələr təsirlənəcək?"
ABŞ-ın Avropadakı qüvvələrinin komandanı general Kristofer Kavoli də xəbərdarlıq edib ki, ABŞ Ukraynaya daha çox silah və sursat göndərməsə, onun qüvvələri döyüş meydanında vurulacaq.
Eltac Zülfüqaroğlu/Turkustan.az
