ABŞ Milli Təhlükəsizlik Şurasının Strateji Kommunikasiyalar üzrə Koordinatoru Con Kirbi ABŞ-ın İran rəsmilərinin İsrailə hücumun vaxtı və hədəfləri barədə əvvəlcədən məlumatlı olduğuna dair iddialarını rədd edib.
Turkustan.az xəbər verir ki, İranın İsrailə hücumunun əks - sədası davam edərkən, ABŞ cəbhəsindən yeni açıqlama gəldi . ABŞ Milli Təhlükəsizlik Şurasının Strateji Kommunikasiyalar üzrə koordinatoru Con Kirbi deyib ki, İran rəsmilərinin İsrailə hücumun vaxtı və hədəfləri barədə ABŞ-ı əvvəlcədən xəbərdar etməsi ilə bağlı iddialar “absurd”dur.
“İran bizə heç vaxt vaxt və ya hədəfi bildirən bir mesaj vermədi” deyən Kirbi, “İranın bizə nə edəcəkləri ilə bağlı mesaj göndərdiyinə dair bütün bu şayiələr gülüncdür” dedi. “İran zəng edib dedi: “Biz İsraili 300 qanadlı raket və pilotsuz uçuş aparatı ilə vurmaq üzrəyik. Sizə bildirmək istədik. "Yeri gəlmişkən, insanların "biz vuracağımız şey budur" deyəcəyi bir dünya təsəvvür edə bilərsinizmi?" Kirbi soruşdu: “Bağışlayın, belə bir şey olmayıb. Bilmirəm, hansı mənbələr eşitdiklərini sizə deyə bilər. “Eşitdiyimizi sizə deyirəm” dedi. ABŞ-ın İranla əlaqə saxladığını təsdiqləyən Kirbi bu əlaqənin təfərrüatları barədə məlumat verməyib. Kirbi vurğulayıb ki, bunların heç biri İranın həftə sonu hücumunun təfərrüatları ilə əlaqəli deyil.
İran ötən həftə İsrail ərazisini pilotsuz uçuş aparatları və raketlərlə hədəfə alıb və İran İnqilabı Keşikçiləri Ordusunun bəyanatında bildirilib ki, “Sionist rejimin İranın Dəməşqdəki konsulluğuna hücumuna cavab olaraq İnqilab Keşikçiləri Ordusu Hərbi Hava Qüvvələri sionist rejimin ərazisinə onlarla pilotsuz uçuş aparatı və raket zərbələri endirib” ifadələri işlədilib. İranın hücumla bağlı ABŞ-ı əvvəlcədən məlumatlandırdığı iddiaları ictimaiyyətdə öz əksini tapıb.
Eltac Zülfüqaroğlu/Turkustan.az
