“ABŞ Prezidenti Donald Trampın administrasiyası bu il Venesuela neftinin satışından 13 milyard dollardan çox gəlir əldə edib. Lakin bu vəsaitin hara yönəldiyi və necə istifadə olunduğu barədə demək olar ki, heç bir ictimai izahat verilməyib”.
Turkustan.az xəbər verir ki, bu barədə “Financial Times” məlumat yayıb.
Bildirilib ki, Venesuela hökuməti ABŞ-ın nəzarəti altında həyata keçirilən neft satışlarından əldə olunan gəlirləri izləmək üçün xüsusi internet saytı yaradıb.
“Ancaq hazırda həmin platformada yalnız bir qeyd var – mart ayında həyata keçirilmiş 300 milyon dollarlıq köçürmə.
ABŞ Venesuelanın neft ixracına nəzarəti ələ keçirdikdən, Nikolas Maduronun devrilməsindən və Delsi Rodrigesin hakimiyyətə gətirilməsindən sonra bəzi sanksiyaları dayandırıb.
Buna baxmayaraq, iqtisadçılar bildirirlər ki, altı ay keçməsinə rəğmən ölkədə iqtisadi bərpanın əlamətləri hələ də zəif olaraq qalır.
Mütəxəssislərin fikrincə, vəsaitlərin Venesuelaya tam şəkildə qaytarılmaması Vaşinqtonun neft gəlirlərinin hamısını Karakasa ötürmədiyini göstərə bilər.
Bu səbəbdən həm demokrat, həm də respublikaçı konqresmenlər administrasiyaya təzyiq göstərərək, milyardlarla dolların hara xərcləndiyini və bu vəsaitlərin bölüşdürülməsi zamanı korrupsiyanın qarşısını almaq üçün hansı tədbirlərin görüldüyünü açıqlamağı tələb edirlər”, – deyə nəşr yazıb./Globalinfo.az
