Qətər əmiri Şeyx Təmim bin Həməd Əl Sani ABŞ prezidenti Donald Trampla Pakistanın vasitəçiliyi ilə aparılan ABŞ-İran danışıqlarını müzakirə edib.
Turkustan.az xəbər verir ki, Qətər Əmirliklərinin yazılı açıqlamasına görə, Şeyx Təmim Trampla telefon danışığı aparıb.
Görüşdə Yaxın Şərqdəki son hadisələr, xüsusilə də gərginliyin azaldılması və sabitliyin möhkəmləndirilməsinə yönəlmiş regional və beynəlxalq səylər müzakirə olunub.
Şeyx Təmim və Tramp arasında keçirilən görüşdə bölgəni gələcək gərginliklərdən qorumaq və beynəlxalq sülh və təhlükəsizliyi təmin etmək üçün Pakistanın liderliyindəki diplomatik səylərin dəstəklənməsinə vurğu edilib.
Görüşdə həmçinin mövcud problemlərin həlli, dəniz təhlükəsizliyinin və strateji su yollarının təhlükəsizliyinin qorunması, qlobal təchizat və enerji zəncirlərinin rahat axınının təmin edilməsi üçün dialoqun davam etdirilməsinin vacibliyi vurğulandı.
Qətər əmiri Şeyx Təmim Trampla görüşü zamanı ölkəsinin sülh yolu ilə həll yollarını dəstəklədiyini və böhranı dialoq yolu ilə idarə etməyə yönəlmiş bütün təşəbbüsləri dəstəklədiyini bildirib.
Aytən Yaşar/ Turkustan.az
