İranın ali lideri Müctəba Xamenei məhz müzakirəçilərin ona ən çox ehtiyac duyduğu vaxt yoxa çıxıb.
Turkustan.az xəbər verir ki, bu barədə "Voll Strit Jurnal” Amerika və İran rəsmilərinə istinadən məlumat yayıb.
"Xamenei atası Əli Xameneinin ölümü ilə nəticələnən ABŞ-İsrail hava hücumunda yaralanandan bəri ictimaiyyət qarşısına çıxmayıb və danışıqlara səssiz qalıb.
Ali liderin olmaması Tehran üçün müharibəyə son qoymaq məqsədilə Vaşinqtonla apardığı danışıqlarda getdikcə daha çox problemə çevrilir. İran rəhbərliyi arasında ABŞ-la razılığa gəlmək barədə fikir ayrılıqları var. Sərt xətt tərəfdarları daha mötədil İran siyasətçilərini, xüsusən də parlamentin spikeri Qalibafı güzəştə getməyə çox həvəsli olduqları üçün tənqid edirlər. Bəzi radikal siyasətçilər hətta sosial şəbəkələrdə Xameneidən heç olmasa səsli mesajla müzakirələr barədə danışmasını istəyiblər",- mənbələr bildiriblər. /axar.az/
