ABŞ Prezidenti Donald Tramp Norveçin Baş naziri Yonas Qar Störeyə məktub göndərib və orada Qrenlandiyanı ələ keçirmək istəyini Nobel Sülh Mükafatını ala bilməməsi ilə əlaqələndirib.
Turkustan.az xəbər verir ki, bu barədə “PBS Nyus” məlumat yayıb.
“Əziz Yonas! Ölkənizin mənə səkkizdən çox müharibəni dayandırdığım üçün Nobel Sülh Mükafatını verməmək qərarına gəldiyini nəzərə alsaq, artıq yalnız sülh haqqında düşünməyə borclu deyiləm, baxmayaraq ki, sülh həmişə prioritet olacaq, indi ABŞ üçün nəyin yaxşı və doğru olduğunu düşünə bilərəm”, - məktubda deyilib.
O, həmçinin Danimarkanın adanı Rusiya və ya Çindən qoruya bilməməsi tezisini təkrarlayıb, ölkənin Qrenlandiyaya olan hüququnu şübhə altına alıb:
“Ümumiyyətlə, niyə onların mülkiyyət hüquqları var? Yazılı sənədlər yoxdur, sadəcə yüz illər əvvəl orada lövbər salmış bir qayıq var, amma bizim qayıqlarımız da orada lövbər salıb. NATO-nun yarandığı gündən bəri hər hansı digər şəxsdən daha çox iş görmüşəm və indi NATO ABŞ üçün nəsə etməlidir. Qrenlandiyaya tam və tam nəzarət edənə qədər dünya təhlükəsiz olmayacaq”. /axar.az/
