İranın xarici işlər naziri Abbas Əraqçi Böyük Britaniyanın xarici işlər naziri İvet Kuperlə telefon danışığında Britaniyanı İranın daxili işlərinə qarışmamaq barədə xəbərdar edib.
Turkustan.az xəbər verir ki, İranın xarici işlər naziri Abbas Əraqçi və Böyük Britaniyanın xarici işlər naziri İvet Kuper dünən gecə telefon danışığı aparıblar. Zənglə bağlı sosial media paylaşımında Əraqçi Böyük Britaniyaya İranın Londondakı konsulluğu və səfirliyinin təhlükəsizliyini təmin etmək üçün beynəlxalq öhdəliklərini xatırladıb. Britaniyalı həmkarına xəbərdarlıq edən Əraqçi bildirib ki, "Əgər Böyük Britaniya diplomatik nümayəndəlikləri qorumaq vəzifəsini yerinə yetirməsə, İranın heyətini təxliyə etməkdən başqa çarəsi qalmayacaq".
London hökumətini İranın daxili işlərinə müdaxilə etməkdə günahlandıran Arakçi bildirib ki, "Mən Böyük Britaniyanı İranın daxili işlərinə müdaxilə etməkdən çəkinməyə, o cümlədən xəbər təşkilatları adı altında fəaliyyət göstərən İsrail tərəfindən dəstəklənən terrorçulara qarşı tədbir görməkdən çəkinməyə çağırdım. Ofcom-un (Böyük Britaniya Rabitə Ofisi) zorakılığa təhrik və terrorizmin təbliği ilə bağlı aydın qaydaları və qanunları var. Böyük Britaniya hökuməti öz daxili qanunlarının tətbiqini təmin etmək üçün hərəkətə keçməlidir".
Aytən Yaşar/ Turkustan
