Bu həftənin əvvəlində istefa verən, lakin daha sonra prezident Emmanuel Makron tərəfindən yenidən baş nazir təyin edilən Sebastien Lecornu Fransada yeni hökumətini elan edib.
Turkustan.az xəbər verir ki, əvvəlki hökumətindəki fikir ayrılıqları səbəbilə istefa verən Lecornu, 10 oktyabrda yenidən baş nazir təyin olunaraq ikinci hökumətini formalaşdırıb.
Lecornu ABŞ-da yerləşən X (əvvəlki Twitter) sosial media platformasında verdiyi açıqlamada, "Fransaya ilin sonuna qədər büdcə təmin etmək missiyasına diqqət yetirən bir hökumət quruldu", – deyə bildirib.
O, "hökmət daxilində şəxsi və partiya maraqlarından üstün düşünən" hər kəsə təşəkkür edərək, əsas prioritetin "ölkənin maraqları" olduğunu vurğulayıb.
Lecornu hökumətində yer alan əsas fiqurlar bunlardır:
Loran Nunes – Daxili işlər naziri
Ketrin Votrin – Müdafiə naziri
Cerald Darmanin – Ədliyyə naziri
Roland Lescure – Maliyyə naziri
Enni Genevard – Kənd təsərrüfatı naziri
Edouard Geffray – Təhsil naziri
Jean-Noel Barrot – Xarici işlər üzrə dövlət katibi
Stefan Dört – Xarici işlər naziri
Rachid Temal – Səhiyyə naziri
Naim Moutchou – Xarici ərazilər naziri
Marina Ferrari – İdman naziri
Filip Tabarot – Nəqliyyat naziri
Yeni hökumətin əsas hədəfi ilin sonuna qədər dövlət büdcəsini təsdiqlətmək və siyasi sabitliyi təmin etmək olacaq.
Aytən Yaşar/ Turkustan.az
