İsrail ordusu işğal etməyi planlaşdırdığı və 1 milyona yaxın fələstinlinin sığındığı Qəzzada "humanitar pauza" deyilən müddətə son verdiyini açıqlayıb və buranı "təhlükəli müharibə zonası" elan edib.
Turkustan.az xəbər verir ki, İsrail ordusu fələstinlilərin işğalı və məcburi köçkünlüyünün arxasınca Qəzzanın şimalına hücumlarını gücləndirir.
İşğal etməyi planlaşdırdığı Qəzza şəhərinin şərqində hücumlarını artıran İsrail ordusu, bölgədəki 1 milyona yaxın fələstinlini zorla köçürməyi hədəfləyir.
İsrail ordusundan verilən yazılı açıqlamada Qəzza şəhərinin Təl-Əviv rəhbərliyinin hücumlara cavab olaraq verdiyi sözdə "humanitar pauza"dan çıxarıldığı bildirilib.
Bəyanatda Qəzzanın planlaşdırılmış işğalı “təhlükəli müharibə zonası” kimi təsvir edilib.
Bu qərardan sonra İsrail ordusunun Qəzzanın şimalında, xüsusilə də Qəzza şəhərində hücumlarını daha da gücləndirəcəyi gözlənilir.
İsrail Təhlükəsizlik Kabineti avqustun 8-də Qəzzanın şimalındakı şəhərin işğalı planını təsdiqləyib.
Baş nazir Benyamin Netanyahu Nazirlər Kabinetinin iclasından əvvəl verdiyi müsahibədə bütün Qəzza zolağının işğalını hədəflədiklərini bildirib.
İsrail mediası da ordunun Qəzzanın qalan hissəsini işğal etmək əmri aldığını, lakin bu addımın sentyabr ayından əvvəl həyata keçirilməsinin gözlənilmədiyini qeyd edib.
Aytən Yaşar/ Turkustan.az
