Ukrayna Silahlı Qüvvələri (AFU) iki zirehli dəstə ilə Rusiya ilə sərhədə doğru irəliləyib.
Turkustan.az xəbər verir ki, bu barədə “Şimal” qoşun qruplaşması ilə əlaqəli “North Wind” "Telegram" kanalı məlumat yayıb.
"Cəbhənin Tetkinski və Qluşkov sektorlarında "şimallılar" kəşfiyyatı Ukrayna Silahlı Qüvvələrinin iki döyüş qrupunun Katerinovka ərazisində zirehli texnikalarda irəliləməsini müəyyən edib. Atəş əmri ilə hər iki hədəf məhv edilib", - deyə məlumatda deyilir.
Nəşr vurğulayır ki, bu arada Kursk vilayətində ərazilərin minalardan təmizlənməsi davam edir. Mühəndislik bölmələri sutka ərzində üç mindən çox partlayıcı qurğunu zərərsizləşdirib.
Qeyd edək ki, bundan bir gün əvvəl, avqustun 6-da Ukrayna Silahlı Qüvvələri Kursk vilayətində Rusiyanın mövqelərinə artilleriyadan hücuma cəhd edib. Onların hərəkətləri kəşfiyyatla aşkar edilib və hədəflər sonradan atəşə tutulub. /publika.az/
