Rusiya Xarici İşlər Nazirliyinin rəsmi nümayəndəsi Mariya Zaxarova amerikalı polkovnik-leytenant Cefri Fritsin ABŞ-ın Komandor adalarını Rusiyadan alması ilə bağlı fikrinə münasibət bildirib.
Turkustan.az xəbər verir ki, mümkün sövdələşmə 15 milyard dollar dəyərində qiymətləndirilir.
“Bunu prinsipcə şərh etməyə dəyməz, çünki bizdə Vətəni satmaq həm qanunla, həm də vicdanla ən dəhşətli cinayətlərdən biri sayılır”, - Zaxarova deyib.
Bundan əlavə, diplomat xatırladıb ki, ABŞ-ın dövlət borcu ilə bağlı böyük problemləri var, ona görə də onu ödəmək üçün mövcud vəsaitdən istifadə etməyi təklif edib.
ABŞ quru qüvvələrinin təhlükəsizliyinin təmin edilməsinə cavabdeh olan amerikalı polkovnik-leytenant Cefri Frits Vaşinqtona Çin sualtı qayıqlarını izləmək üçün Komandor adalarını Rusiyadan almağı təklif edib.
Hərbçi 1867-ci ildə Alyaskanın perspektivli alınmasını xatırladıb. O zaman ABŞ-ın bu addımı axmaq adlandırılsa da, sonda region həm enerji sektorunda, həm də ölkənin müdafiə strategiyasının inkişafı baxımından böyük əhəmiyyət kəsb etdi.
Frits, Komandor adalarının satın alınmasında da oxşar perspektiv görüb. O, belə bir razılaşmanın “Arktikanın təhlükəsizliyini gücləndirəcəyini, birləşməyən yerli əhalini yenidən birləşdirəcəyini və Amerikanın sürətlə inkişaf edən regionda liderliyini təsdiqləyəcəyini” istisna etməyib./publika.az
