Hündürlüyü tez-tez 10 santimetr ilə bir metr arasında dəyişən yaşıl bitki botanika aləmində ən təhlükəli növ kimi tanınır. Ağrısı o qədər böyükdür ki, insanları intihara sürükləyir.
Yaşıl, öz-özünə olan, əsasən böyüməsi zəif olan bir bitki nə qədər təhlükəli ola bilər? Çox! Onun görünüşü hər hansı bir çiçəyin ləçəklərinə bənzəyir. Ancaq ağrıları təsvir etmək mümkün deyil. Dünyanın ən qorxulu bitkisi sayılan bu yaşıl bitki öz qurbanlarını intihara sürükləyir.
Britaniya mediası 49 yaşlı kişini cəsarətinə görə göyə sığdıra bilməyib. Buna səbəb isə evində yetişdirməyə cəsarət etdiyi bitkidir. Cəsarətli olduğu qədər də ehtiyatlı olan adam qəfəsin içində bitki yetişdirib.
QURBANLARINA İŞGƏNCƏ EDİR
Cimpi Cimpi və ya Gympie-Gympie kimi tanınan Dendrocnide Moroides, iti tükləri dəridən ayrılmazsa, bir ildən çox təmasda olduğu qurbanlara işgəncə verə bilər. Bəzi hallarda hətta intihara da səbəb ola bilər. Bu səbəbdən onu "intihar bitkisi" də adlandırırlar. İllər əvvəl bir adamın bu zəhərli bitkidən tualet kağızı kimi istifadə etdikdən sonra dözülməz ağrıdan dəli olduğu və özünü vurduğu bildirilir.
49 yaşlı Daniel Emlyn-Cons dünyanın ən təhlükəli bitkisi kimi tanınan bitkini evində "təhlükə" işarəsi qoyduğu qəfəsdə yetişdirmək qərarına gəlib. Bəzən "Avstraliya gicitkən ağacı" adlanan gympie-gympie dünyanın ən zəhərli bitkisi adlanır.
Gicitkənə bənzəyən kol bitkisinin eyni vaxtda isti turşu ilə yanma və elektrik cərəyanı kimi sancma qabiliyyətinə malik olduğu deyilir.
Oksfordda yaşayan müəllim Daniel unikal bitkilər yetişdirməklə onlara marağı artırmaq istədiyini deyir.
Mən axmaq və ya dəli görünmək istəmirəm. Mən çox təhlükəsiz bitki yetişdirirəm. Bəzi botanika bağlarında bu bitkilərə maraqlı nümunələr kimi rast gəlinir.
BİR SANİYƏ BELƏ KİFAYƏT EDİR
Gympie-gympie, Malayziya və Avstraliyanın tropik meşələrində bitən Urticaceae gicitkən ailəsinə aid bir bitkidir. Bir saniyə belə toxunsanız, kiçik tük kimi iynələr növbəti 20-30 dəqiqə ərzində güclənəcək yanma hissi yaradacaq.
AĞRISI HƏFTƏLƏR, HƏTTA AYLAR DAVAM EDİR
Zəhərli gicitkən bütün bitkini əhatə edən kiçik tüklərə malikdir və toxunduqda güclü neyrotoksin ifraz edir. Böyümüş tüklərin ucundakı kiçik ampul qoparaq dəriyə nüfuz edərək, özünə inyeksiya edən dərialtı iynəyə bənzər toksin verir. Kiçik tüklər dəriyə yapışa bilər və insanlarda həftələr, hətta aylar ərzində dözülməz ağrılara səbəb ola bilər. Zədələnmiş sahə kiçik, qırmızı ləkələrlə örtülür, bunlar birləşərək qırmızı, şişkin bir çapıq meydana gətirir, daha ağır hallarda dəridən bir maye damlayır.
Hazırladı: Eltac Zülfüqaroğlu/Turkustan.az
Mənbə: milliyet.com.tr
