ABŞ Mərkəzi Komandanlığı (CENTCOM) Ədən körfəzində ABŞ-ın idarə etdiyi MV Yorktown gəmisinin ballistik raketlə hədəf alındığını və raketin məhv edildiyini açıqlayıb.
Turkustan.az xəbər verir ki, bu barədə ABŞ Mərkəzi Komandanlığının (CENTCOM) bəyanatında deyilir.
“Aprelin 24-ü saat 11.51-də koalisiya gəmisi Ədən körfəzi üzərində Yəməndə İranın dəstəklədiyi husi terrorçularının nəzarətində olan ərazilərdən atılan gəmi əleyhinə ballistik raketi uğurla məhv edib”, - deyə məlumatda bildirilir.
Raket, ehtimal ki, 18 amerikalı və 4 yunandan ibarət ekipajı olan ABŞ bayrağı altında olan, sahib olduğu və idarə olunan MV Yorktown gəmisini hədəfə alıb. ABŞ, koalisiya və ya ticarət gəmiləri tərəfindən heç bir xəsarət və ya dağıntı qeydə alınmayıb. Bundan əlavə, saat 12:07-13:26 arasında CENTCOM Yəmənin Husilərin nəzarətində olan əraziləri üzərində 4 pilotsuz uçuş aparatını (PUA) uğurla məhv edib.
Eltac Zülfüqaroğlu/Turkustan.az
