Almaniyanın Federal Kansleri Fridrix Merts Avropa Komissiyasının 2028-2034-cü illər üçün təklif etdiyi Avropa İttifaqı (Aİ) büdcəsinin əhəmiyyətli dərəcədə azaldılmasını tələb edib.
Turkustan.az xəbər verir ki, Merts bu barədə Brüsseldə Avropa Şurasının iclası başlamazdan əvvəl jurnalistlərə açıqlamasında bildirib.
Kansler qeyd edib ki, Avropa Komissiyasının təklifi ilə müqayisədə ümumi büdcə əhəmiyyətli dərəcədə azaldılmalıdır. Onun sözlərinə görə, Aİ-yə üzv dövlətlərin heç biri təklif olunan həcmdə maliyyə töhfəsi ödəmək imkanına malik deyil.
“Hazırkı təklif mövcud çoxillik maliyyə çərçivəsi çərçivəsində ayırdığımız vəsaitdən 50 faiz çoxdur”, – Merts vurğulayıb.
Kansler gələcək büdcə ilə bağlı kompromis təklif hazırladığına görə Aİ Şurasına sədrlik edən İrlandiyaya təşəkkür edib. Bununla belə, o, təqdim olunan təklifin hələ də Almaniyanın tələblərinə cavab vermədiyini bildirib.
Aytən Yaşar/Turkustan.az
