İsrail nadir hallarda rast gəlinən kütləvi arı hücumu ilə üzləşib.
Turkustan.az xəbər verir ki, on minlərlə arıdan ibarət nəhəng sürülər yaşayış məntəqələrini və hərbi bazaları əhatəyə alıb, ölkə daxilində faktiki olaraq “arı həyəcanı” elan edilib.
Bölgədən yayılan görüntülərdə arıların binaların və ağacların üzərinə kütləvi şəkildə toplaşdığı müşahidə olunur. Hakimiyyət orqanları ictimai təhlükəsizliyi təmin etmək məqsədilə təcili xəbərdarlıq edərək vətəndaşları qapı və pəncərələri möhkəm bağlamağa, mümkün qədər evdə qalmağa çağırıb. Bildirilib ki, arıların yüksək sıxlığı, xüsusilə açıq ərazilərdə, allergik reaksiyalar və hücum riski yaradır.
Hadisənin miqyası təkcə mülki əhalinin gündəlik həyatına deyil, həm də hərbi fəaliyyətlərə təsir göstərib. “Tarixin ən böyük arı sürüsü” kimi təsvir edilən bu hadisə nəticəsində İsrail Hərbi Hava Qüvvələrinin bəzi təyyarələrinin uçuşları dayandırılıb. Arıların yüksək sıxlığı mühərriklərə və həssas avadanlıqlara zərər vurma riski yaratdığı üçün təhlükəsizlik məqsədilə hərbi uçuş əməliyyatları müvəqqəti olaraq məhdudlaşdırılıb.
Aytən Yaşar/ Turkustan.az
