İranın yüksək vəzifəli rəsmisi bildirib ki, İsrailin Livana hücumları davam edərsə, ölkəsi sabah Pakistanda keçirilməsi planlaşdırılan ABŞ ilə danışıqlara qatılmayacağını bildirdikdən sonra İsrail Beyruta hücumlarını dayandırıb.
Turkustan.az xəbər verir ki, İran dövlət televiziyasının ingilisdilli yayımçısı olan Press TV-yə danışan İranın yüksək vəzifəli təhlükəsizlik rəsmisi bildirib ki, ABŞ ilə əldə edilən müvəqqəti atəşkəs razılaşmasına baxmayaraq, İsrailin Livana hücumları atəşkəsi pozub.
İran rəsmisinin sözlərinə görə, İsrailin 8 apreldə Livanın paytaxtı Beyruta ağır hücumlarından sonra, atəşkəsin qüvvəyə mindiyi gün, İran bu hücumların dayandırılmasını ABŞ ilə müvəqqəti atəşkəs danışıqlarında iştirakı üçün mütləq ilkin şərt kimi irəli sürüb və bundan sonra İsrailin Beyruta hücumları dayandırılıb.
Rəsmi şəxs İran nümayəndə heyətinin İslamabada səfərinin, xüsusən də İsrailin Livana qarşı davam edən təcavüzü səbəbindən bir neçə dəfə təxirə salındığını bildirib və əlavə edib: "İranın xəbərdarlığından sonra amerikalılar sionist rejimin Beyruta hücumlarını dayandırmasını təmin etmək məcburiyyətində qaldılar".
Aytən Yaşar/ Turkustan.az
