Zelenski xarici ölkələrə köçən ukraynalıları müharibəyə ÇAĞIRDI

Xaricdən fiziki cəhətdən yararlı, səfərbərlik yaşında olan kişilər nə qədər çox geri dönsə, bu, ordu, xalq və Ukrayna üçün bir o qədər asan olar. Burada məsələ onların seçimi ilə bağlı deyil.

Məncə, cəbhədə olan, bəzən kadr çatışmazlığı səbəbindən rotasiya edə bilməyən hərbçilərə kömək etmək çox vacibdir. Onların məzuniyyətə çıxması, ailələrini, yaxınlarını görməsi, sadəcə dincəlməsi, bəzən ailəsinin qucağına qayıtması çox ədalətli olardı. Bu, çox önəmlidir və insana enerji verir. Düşünürəm ki, ölkədən gedən bu gənclər şübhəsiz ki, kömək edə bilərdilər”.

Turkustan.az xəbər verir ki, bunu Ukrayna Prezidenti Volodimir Zelenski “Çeski rozhlas Plus” radiosuna verdiyi müsahibədə bildirib.

Zelenski əlavə edib ki, bir çox Avropa liderləri xaricdə yaşayan ukraynalılara birbaşa müraciət edə bilmirlər və buna görə də Kiyevdən bunu etməyi xahiş edirlər: “Bir dəfə Avropalı liderlərdən biri mənə dedi: “xahiş edirəm, mən sənin insanlarına orada özüm heç nə deyə bilmərəm, çünki cəmiyyət məni dəstəkləməz. Cəmiyyət müharibə səbəbindən ölkəni tərk edən insanlara dəstək məsələsində bölünüb. Amma orada çoxlu ukraynalı var və bizim üçün artıq çətindir. Onları Ukraynaya dəvət edə bilməzsənmi?” Mən ona dedim ki, onları Ukraynaya dəvət edə bilərəm”./Bizim.Media