Avropa İttifaqının üç əsas orqanından biri olan Avropa Şurasının prezidenti Antonio Kosta ABŞ prezidenti Trampa Avropa işlərinə qarışmamaq barədə xəbərdarlıq edib.
Turkustan.az xəbər verir ki, Kosta Trampın Avropadakı ifrat sağçı və millətçi partiyalara dəstək siqnalının qəbuledilməz olduğunu ifadə edərək, “Bəzi məsələlərdə fikir ayrılıqlarımız oldu, amma indi o, sərhədi keçdi” dedi.
Avropa Şurasının sədri Antonio Kosta Donald Tramp administrasiyasına Avropanın daxili işlərinə qarışmamaq barədə xəbərdarlıq etsə də, analitiklər ABŞ-ın milli təhlükəsizlik strategiyasında köklü dəyişikliyin gündən-günə artdığını deyirlər.
Tramp administrasiyası tərəfindən yayımlanan sənəddə iddia edilir ki, Avropa immiqrasiya və siyasi azadlıq və suverenliyə xələl gətirən senzuraya məruz qalan Avropa İttifaqı səbəbindən “sivilizasiyanın məhvi” riski ilə üzləşir. Sənəddə deyilir ki, ABŞ "blokun hazırkı kursunu düzəltmək" üçün "müqaviməti təşviq edəcək".
Aytən Yaşar/ Turkustan.az
