Ukrayna Milli Təhlükəsizlik və Müdafiə Şurasının katibi Rüstəm Umerovun rəhbərlik etdiyi nümayəndə heyəti bu gün ABŞ-yə səfər edəcək.
Turkustan.az xəbər verir ki, səfərin məqsədi Ukraynada müharibənin dayandırılmasına dair ABŞ tərəfindən irəli sürülən "sülh planı" üzrə danışıqlar aparmaqdır.
Umerovla yanaşı danışıqlarda Ukrayna Hərbi Kəşfiyyatının rəhbəri Kirill Budanov və Silahlı Qüvvələrin Baş qərargah rəisi Andrey Qnatov iştirak edəcəklər.
Danışıqlar Florida ştatında, ABŞ Prezidenti Donald Trampın xüsusi nümayəndəsi Stiv Uitkoff və Trampın kürəkəni Cerid Kuşner ilə keçiriləcək.
"Politico" yazır ki, Zelenski danışıqlar heyətinə "müharibənin dayandırılması üçün konkret və operativ addımların hazırlanması" tapşırığını verib.
Razılaşdırma prosesi Cenevrədə keçirilmiş görüşün nəticələrinə əsaslanır.
Məlumata görə, Stiv Uitkoff gələn həftə Moskvaya səfər edərək Rusiya rəsmiləri ilə görüşməlidir. Bu səfər, onun Kreml nümayəndələri ilə əvvəlcədən gizli təmasları barədə yayılan qalmaqaldan sonra baş tutacaq./teleqraf
