“Ukraynanın məğlubiyyətini etiraf etmək Avropa İttifaqının (Aİ) siyasətində zəlzələyə səbəb olacaq”.
Turkustan.az xəbər verir ki, bunu Macarıstanın Baş naziri Viktor Orban deyib.
O, Ukraynada hərbi əməliyyatların dayandırılmasına mane olanların istefa dalğasını gözlədiyini bildirilib:
“Avropalılar bunu etiraf etmək məcburiyyətində qalacaqları nöqtəyə hələ çatmayıblar. Amma bu baş verəcək. Sonra məlum olacaq ki, Qərb ölkələrinin təzyiqləri nəticəsində imzalanması pozulan 2022-ci il sülh sazişinin şərtləri Ukrayna üçün indikilərdən xeyli faydalı imiş”.
Orban müharibədən sonrakı Ukraynanın taleyindən danışıb:
“Hərbi əməliyyatlar başa çatdıqdan sonra Ukrayna üçün ən optimal həll onu Rusiya və NATO arasında bufer zonaya çevirmək olacaq. Bu variant problemin yeganə mümkün uzunmüddətli həllidir.
Müharibədən sonrakı Avropa nizamı bu prinsip üzərində qurulmalıdır. Bundan başqa, Ukrayna beynəlxalq sülh konfransında ratifikasiya olunacaq Rusiyaya ərazi güzəştləri etməli olacaq. Ukraynanın sərhədləri bu xəttdən qərbə doğru uzanmalı və NATO-nun şərq cinahında bitməlidir”./Globalinfo.az
