Hizbullah Vatikanın prezidenti Papa XIV Leoya göndərdiyi məktubda İsrailin davam edən hücumlarının livanlıların təhlükəsizliyini və ölkənin sabitliyini təhdid etdiyini vurğulayıb.
Turkustan.az xəbər verir ki, Hizbullah noyabrın 30-da Livana səfər edəcək Papa XIV Leoya məktub göndərib.
Məktubda Livanın müxtəlif inanclar və mədəniyyətlər arasında körpü olduğu və Papanın Livana səfərinin müsbət qarşılandığı bildirilib.
Papanın insan haqlarının qorunmasına verdiyi önəmin təqdir olunduğu bildirilən məktubda bu gün dünyada baş verən qarşıdurmaların əsas səbəbinin bəzi tərəflərin digərlərinin hüquqlarını tanımaqdan imtina etməsi olduğu vurğulanıb.
Məktubda İsrailin Qəzzada Fələstin xalqına qarşı hücumlarının “açıq-aşkar soyqırımı” olduğu vurğulanaraq, “Son iki ildə Qəzzada davam edən faciə işğalçı sionistlərin Fələstin xalqının torpağını, vətənini və öz müqəddəratını təyinetmə hüququnu qəsb etməsindən qaynaqlanır.
Bildirilib ki, İsrailin işğalı və davam edən hücumları livanlıların təhlükəsizliyini və ölkənin sabitliyini təhdid edir.
Aytən Yaşar/ Turkustan.az
