Katolik dünyasının ruhani lideri Papa XIV Leo, İznik Birinci Şurasının 1700-cü ildönümünü qeyd etmək üçün İznikdə keçirilən ayində iştirak etdikdən sonra İstanbula qayıdıb.
Turkustan.az xəbər verir ki, şənbə günü səhər onun ilk dayanacağı Sultanəhməd məscidi, ardınca Yeşilköydəki Mor Efrem Süryani Pravoslav Kilsəsini ziyarət və xristian icmasının nümayəndələri ilə görüş olub.
Papanın Türkiyəyə səfəri siyasi baxımdan da manşet oldu. MHP sədrinin müavini və İstanbul millət vəkili Semih Yalçın sosial şəbəkədə verdiyi açıqlamada səfəri sərt şəkildə tənqid edib.
Yalçın X hesabından paylaşım edərək, "Məlum olduğu kimi, Papa XIV Leo 27 Noyabr-2 Dekabr tarixləri arasında Türkiyəyə səfər edir. Göründüyü kimi, xristian dünyasına yönəlmiş planlı mesajlar ehtiva edən və həm tarixi, həm də dini ayrı-seçkiliyi qızışdırmağı hədəfləyən bu səfər bir növ şouya çevrildi".
Yalçın, "Həqiqətən də səfərin İznik hissəsində 325-ci ildə keçirilən 1700 illik Şura Toplantısı yenidən gündəmə gətirildi və təmtəraqlı bir mərasim keçirildi. Səlcuqlu və Osmanlı dövründən qalan türk torpaqlarında təşkil edilən bu düşünülmüş mərasim, xristian dünyasının birləşməsinə və xalqa inteqrasiyasına səbəb oldu" dedi.
Aytən Yaşar/ Turkustan.az
