Almaniyanın xarici işlər naziri Johann Vadephul Cenevrədə keçirilən danışıqlarda ABŞ-ın Rusiya-Ukrayna müharibəsinə son qoymaq üçün hazırladığı “sülh planı”ndan Avropa və NATO ilə bağlı məsələlərin çıxarıldığını bildirib.
Turkustan.az xəbər verir ki, Vadephul Deutschlandfunk radiosuna ABŞ-ın Rusiya-Ukrayna müharibəsini bitirmək üçün hazırladığı 28 bəndlik “sülh planı” çərçivəsində Cenevrədə keçirilən danışıqlar barədə danışıb.
İlk olaraq ABŞ-ın prosesdə iştirakından və əldə edilən irəliləyişdən məmnunluğunu ifadə edən Wadephul, "İkincisi, demək istəyirəm ki, Avropa və NATO ilə bağlı bütün məsələlər bu plandan çıxarılıb. Bu, dünən əldə etdiyimiz əhəmiyyətli bir nailiyyət idi".
Vadephul daha əvvəl avropalılar və Ukrayna olmadan heç bir razılaşmanın əldə edilməyəcəyini dediyini xatırladaraq, “Biz indi ilk addımı atdıq və Avropadakı maraqlarımızı qoruduq” dedi.
Aytən Yaşar/ Turkustan.az
