ABŞ-ın Ankaradakı səfiri və Suriya üzrə xüsusi nümayəndəsi Tom Barak deyib ki, İsrail “Livanda Hizbullahı tərksilah etmək üçün addımlarla eyni vaxtda addımlar atacaq”.
Turkustan.az xəbər verir ki, Livan prezidenti Cozef Aun paytaxt Beyrutdakı Baabda Prezident sarayında ABŞ senatorları Jeanne Shaheen və Lindsey Graham, ABŞ-ın Suriya üzrə xüsusi nümayəndəsi Barak, ABŞ-ın Yaxın Şərq üzrə xüsusi nümayəndəsinin müavini Morqan Ortaqus və ABŞ-ın Beyrutdakı səfiri Lisa Conson ilə görüşüb.
ABŞ-ın Suriya üzrə xüsusi nümayəndəsi Barak görüşdən sonra keçirilən mətbuat konfransında "İsrailin Livanın cənubundan çıxmasını təmin etmək üçün çalışacağıq, lakin ən əsası Hizbullahın tərksilahıdır. İsrail Hizbullahın tərksilahı ilə eyni vaxtda addımlar atacaq" deyib.
Barak Livan hökumətinin Hizbullahın tərksilahı ilə bağlı plan təqdim edəcəyini və bunun uğurlu olacağına inandığını qeyd edib. O əlavə edib ki, hökumət 11 bənd müəyyən edib və onlara əməl edəcəyinə söz verib ki, bunlardan birincisi Hizbullahı tərksilah etmək planıdır.
Livanın Hizbullahı tərksilah etmək planının “hərbi” bir təşəbbüs olmasının şərt olmadığını ifadə edən Barak, “Livanda vətəndaş müharibəsi istəmirik” deyib.
Aytən Yaşar/ Turkustan.az
