Kardinal Robert Prevost dünən Müqəddəs Pyotr Bazilikasının (Vatikan) eyvanında görünəndə onu XIV Leo kimi təqdim elədilər. “Leo” adını seçməklə 267-ci Papa bu adı daşıyan 13 sələfinə qoşuldu.
Turkustan.az xəbər verir ki, “Sky News” yeni Roma papasının niyə özünə bu adı seçməsinin səbəbini araşdırıb.
DePaul Universitetinin müəllimi, keşiş Kristofer Robinsonun sözlərinə görə, Leo adını seçən papalar islahatçılar olub:
“Leo adını daşıyan papalar arasında 1878-ci ildə seçilən və “Rerum Novarum” adlı məşhur islahatları ilə tanınan XIII Leo da var. Yeni papa XIV Leo adını seçməklə, o, sələfi XIII Leo tərəfindən qoyulmuş kilsənin sosial təliminə sadiqliyini nümayiş etdirir”.
Papalar əsrlər boyu öz adlarını seçiblər, təqlid etmək istədikləri sələflərinin adlarından ilham alıblar. Məsələn, XXI papa (yaxud I İohann Pavel) tərəfindən istifadə edilən “Con” adı katolik kilsəsində çox yayğındır.
Kardinal Xorxe Mario Berqoqlio 2013-cü ildə seçildikdən sonra jurnalistlərə verdiyi açıqlamada “yoxsulluq və sülh adamı, yaradılışı sevən və qoruyan” Müqəddəs Fransiskin şərəfinə “Fransisk” adını seçdiyini söyləmişdi.
Digər ümumi adlar bunlardır: Qreqori (16 dəfə), Benedikt (15 dəfə) və Klement (14 dəfə).
Erkən Xristianlıqda papalar vəftiz adlarını qoruyub saxlayırdılar, bu adlardan bu gün də istifadə olunur. Məsələn, Hilarius və Simplisius. Amma Papa II İohann seçildikdə, bəlkə də bütpərəst Roma tanrısı ilə əlaqədən qaçmaq üçün “Merkurius” əvəzinə “İohann” adını seçərək bu ənənəni dəyişdi.
Papa adının seçilməsi, orijinal adlarını saxlayan VI Adrian (1522) və II Marsellus (1555) kimi bir neçə istisna olmaqla, X əsrin sonlarına qədər adi hala çevrilməmişdi.
264 papadan 129-u vəzifəyə gəldikdən sonra adlarını dəyişib.
XVIII əsrin sonundan XX əsrin ortalarına qədər “Piy” kimi adlar geniş yayılmışdı, müasir dövrdə isə papalar “Con” və “Paul”u seçməyə meyllidirlər.
Polşalı kardinal Karol Voytyla 1978-ci ildə seçildikdən cəmi 33 gün sonra vəfat edən sələfi I Con Pavelin şərəfinə II İohann Pavel adını seçmişdi. I Con Paul iki papa adını birləşdirən ilk sayılır. Bu qoşa ad istisna olmaqla, Fransisk 913-cü ildə Papa Landodan sonra istifadə edilən ilk yeni papa adı idi.
Fransisk kimi alman kardinalı Cozef Ratzinger də Papa XV Benediktdən ilhamlanaraq XVI Benedikt adını seçmişdi və əsas diqqətini “xalqlar arasında barışıq və harmoniya”ya yönəldəcəyini bəyan etmişdi. /Teleqraf/
