ABŞ mart ayında “Talon-A” təkrar istifadə edilə bilən hipersəs aparatının ikinci uğurlu sınağını keçirib.
Turkustan.az xəbər verir ki, bu barədə Pentaqonun dərc etdiyi yazılı bəyanatda deyilir.
Bildirilir ki, “Stratolaunch” şirkətinin təkrar istifadə edilə bilən hipersəs aparatının ilk uğurlu sınağı 2024-cü ilin dekabrında baş tutub, lakin ictimaiyyətə açıqlanmayıb:
“Hər iki sınaq zamanı “Roc” təyyarəsindən buraxılan “Talon-A” hipersəs vasitəsi Sakit okeanın üzərindən uçub və Vandenberq bazasına enib”.
Qeyd edək ki, “Roc” “Stratolaunch”un buraxılış platforması kimi istifadə etdiyi təyyarədir. Onun ikiqat gövdəsi var.
