Atəşkəs və çərçivə razılaşmasına baxmayaraq, İsrail ordusunun Livanın cənubuna hücumları nəticəsində biri 4 yaşlı uşaq olmaqla iki nəfər yaralanıb.
Turkustan.az xəbər verir ki, Livanın rəsmi xəbər agentliyi NNA-nın məlumatına görə, İsrail artilleriyası ölkənin cənubundakı Sirbin şəhərini və Zibkin vadisini atəşə tutub.
Livan Səhiyyə Nazirliyi İsrailin Bint Cbeil rayonunun Hadassa şəhərinə endirdiyi hava zərbəsi nəticəsində iki nəfərin, o cümlədən 4 yaşlı uşağın yaralandığını açıqlayıb.
Qeyd edək ki, İsrail ordusu martın 2-də Livana qarşı intensiv hava hücumlarına başlayıb və ölkənin cənubundakı onlarla şəhəri işğal edib.
Aytən Yaşar/Turkustan.az
