ABŞ Mərkəzi Komandanlığı (CENTCOM) amerikalı hərbi analitiklərdən İranı "cəzalandırmağın qeyri-adi yollarını" tapmağı xahiş edib.
Turkustan.az xəbər verir ki, CNN mənbələrə istinadən belə yazıb.
CENTCOM-un kəşfiyyat bölməsi tərəfindən göndərilən elektron poçtda deyilir: "Biz İranı cəzalandırmaq və təzyiq göstərmək üçün yeni, yaradıcı və innovativ yollar axtarırıq".
Şəbəkənin məlumatına görə, bu addım ABŞ administrasiyasının İranla işləmək üçün məhdud seçimlərinin olduğunu göstərir və bunlardan bəziləri qəbuledilməz hesab olunur.
“Fox News”-un bir mənbəyi bildirib ki, CENTCOM bütün yeni ideyalara açıqdır. Hərbi rəsmilər onların İran strategiyasının yenidən qiymətləndirilməli olduğunu etiraf edirlər.
Daha əvvəl ABŞ Prezidenti Donald Tramp ABŞ və İranın 3 avqustda sülh danışıqlarına başlayacağını açıqlamışdı. Tramp, həmçinin "Truth Social"-da yazıb ki, Tehranla razılığa gəlmək üçün İrana planlaşdırılan böyük hücumu ləğv etməyə razılaşıb.
Prezidentin sözlərinə görə, İran və bir neçə Yaxın Şərq dövləti Vaşinqtondan hücum etməkdən çəkinməyi xahiş edib, çünki tərəflər artıq gələcək razılaşmanın konturlarını müəyyən ediblər.
Tramp qeyd edib ki, bu razılaşma Hörmüz boğazının dərhal açılmasını və İranın nüvə təhdidinin aradan qaldırılmasını əhatə etməlidir. /Cebheinfo.az/
