İsrail Müdafiə Qüvvələri (IDF) atəşkəs elan etdikdən sonra on minlərlə fələstinli Qəzzanın şimalına doğru gedir.
Turkustan.az xəbər verir ki, bundan əvvəl İDF sözçüsü Aviçai Edri bildirmişdi ki, qəzzalılar anklavın şimal hissəsinə qayıda bilər. Fələstin anklavının sakinlərinə Qəzzanın qərb və şərq hissələrində sahil boyunca yerləşən Ər-Rəşid və Salah əd-Din yolları vasitəsilə şimal məhəllələrinə qayıtmağa icazə verilir. Bununla belə, fələstinlilərə İDF qüvvələrinin Beyt Hanun, Beyt Lahiya və Əş-Şucaiyyə bölgələrində qalması barədə xəbərdarlıq edilib.
Oktyabrın 10-da İsrail Müdafiə Qüvvələri Qəzza zolağında atəşkəs razılaşmasının Moskva vaxtı ilə saat 12:00-da qüvvəyə mindiyini açıqlayıb. O vaxtdan bəri İsrail qoşunları atəşkəsin həyata keçirilməsinə və girovların qaytarılmasına hazırlıq məqsədilə yenilənmiş dislokasiya xətləri üzrə yerləşdirilməyə başlayıb.
Fələstin HƏMAS hərəkatının nümayəndələri ABŞ, Qətər, Türkiyə və Misirdəki vasitəçilərdən İsrailin Qəzza zolağında müharibəni bərpa etməyəcəyinə dair zəmanət alıblar, HƏMAS lideri Xəlil əl-Həya bir gün əvvəl elan edib. O, İsraillə atəşkəs razılaşmasının əldə olunmasından sonra ömürlük həbs cəzası çəkən 250 fələstinlinin həbsdən azad ediləcəyini bəyan edib. Anklavda münaqişə başlayandan bəri həbs edilmiş Qəzzadan olan daha 1700 fələstinli də azad ediləcək.
Aytən Yaşar/ Turkustan.az
