ABŞ-ın Rusiya Federasiyasındakı səfiri Lin Treysi tezliklə öz missiyasını başa vuracaq.
Turkustan.az xəbər verir ki, bu barədə cümə axşamı, iyunun 12-də Amerikanın Moskvadakı səfirliyindən məlumat verilib .
“Sabah, iyunun 13-də, Moskva vaxtı ilə saat 18:30-da ABŞ-ın Rusiya Federasiyasındakı səfirliyində öz missiyasını tezliklə başa vuracaq səfir Lin Treysi ilə vidalaşmaq üçün xüsusi canlı yayıma qoşulun”, – Telegram kanalında dərc edilən məqalədə deyilir.
İyunun 12-də Rusiyanın ABŞ-dakı səfiri Aleksandr Darçiyev bildirib ki , ABŞ prezidenti Donald Tramp Rusiya lideri Vladimir Putinlə bir neçə söhbətdən sonra Moskva və Vaşinqtonun münasibətləri bərpa etməli olduğu qənaətinə gəlib . O, ABŞ liderinin rusiyalı həmkarına yaxşı münasibət bəslədiyini və iki ölkə səviyyəsində təmasların davam etdirilməsinin vacibliyini anladığını vurğulayıb.
Aytən Yaşar/ Turkustan.az
