Ötən gecə Almaniyada çox sayda insanı bıçaqlayaraq öldürən Türkiyə vətəndaşı Polşadan Antalyaya qaçmaq istəyərkən təyyarədə polisə yaxalanıb. 37 yaşlı futbolçunun Almaniyaya ekstradisiya ediləcəyi gözlənilir.
Turkustan.az xəbər verir ki, Almaniyada qətl şübhəlisi kimi axtarışda olan Türkiyə vətəndaşı Polşada Katowice - Antalya reysini yerinə yetirməyə hazırlaşan planlı uçuşda polis tərəfindən yaxalanıb.
Polşanın cənubunda yerləşən Katowice Hava Limanı Ötən gecə mübahisə etdiyi şəxsi bir çox yerdən bıçaqlayaraq onun ölümünə səbəb olan Mehmet A. (37) adlı Türkiyə vətəndaşı gecə saatlarında Polşaya qaçıb.
Səhər saatlarında Türkiyəyə Katovitse-Antalya reysini yerinə yetirməyə hazırlaşan planlı reysə bilet alan şübhəli, barəsində axtarış qərarı olmadığı üçün heç bir problem olmadan təyyarəyə minməyi bacarıb. Almaniya tərəfindən çağırılan Polşa Sərhəd Mühafizəsinə məlumat verilib ki, Mehmet A. qətldə şübhəli bilinərək axtarışdadır və onun barəsində Avropa həbs qərarı çıxarılıb.
Polşa Sərhəd Mühafizə qrupları havaya qalxmağa hazırlaşan təyyarəni dayandıraraq təyyarədə olan Mehmet A.-nı yaxalayıb. Prokurorluqda işi davam edən şübhəlinin yaxın saatlarda Almaniyaya ekstradisiya ediləcəyi gözlənilir.
Eltac Zülfüqaroğlu/Turkustan.az
