İsrailin baş naziri Netanyahu Bayden administrasiyasının silah daşımalarını qismən dayandırmaq qərarından sonra "göndərməlidir" yazısı ilə diqqət çəkib.
Turkustan.az xəbər verir ki, İsrailin baş naziri Benyamin Netanyahu ABŞ prezidenti Co Baydenin İsrailin Rəfah hücumu səbəbilə bu ölkəyə silah göndərilməsini dayandıracaqlarına dair açıqlamasına cavab olaraq "Tək qalmalı olsaq, tək qalacağıq" deyib.
ABŞ-ın İsrailə yüksək partlayıcı bomba və artilleriya mərmiləri göndərməsini dayandırması və Baydenin İsrailin Rəfaha hərtərəfli quru hücumu təşkil edəcəyi təqdirdə silah nəqlini dayandıracaqları barədə bəyanatı müzakirə edilərkən Netanyahu sosial media hesabında istinad yazısı ilə çıxış edib.
Məsələ ilə bağlı hələ rəsmi açıqlama verməyən İsrail baş naziri mayın 5-də ölkəsində baş verən Yəhudi Soyqırımını (Holokost) anma günü ilə bağlı çıxışını sosial şəbəkədə yenidən paylaşıb.
Netanyahu paylaşımında "Dünyanın böyük liderləri dəhşətli Holokost zamanı sadəcə kənarda dayandılar. Holokostun ilk dərsi odur ki, biz özümüzü qorumasaq, bizi heç kim qoruya bilməz. Tək qalmalı olsaq, biz tək qalacaq” dedi.
ABŞ prezidenti Bayden CNN kanalına verdiyi müsahibədə həm Qəzzadakı vəziyyət, həm də İsrailin Rəfaha hərtərəfli quru hücumu təşkil edəcəyi təqdirdə ABŞ-ın rəftarına dair qiymətləndirmələr edərək, “Əgər onlar Rəfaha daxil olsalar, hələ oraya girməyiblər hərtərəfli hücum), "Əgər daxil olsalar, o zaman Rəfah və digər şəhərlərdə istifadə olunan silahları göndərməyəcəyimi açıqladım" dedi.
Eltac Zülfüqaroğlu/Turkustan.az
