Bəzi şəxslər cütdırnaqlı olmayan, yəni tək dırnağı və ya pəncəsi (barmaqları) olan heyvanların yeyilməsinin haram olduğunu bildirir. Bu baxımdan dovşanın da əti tövsiyə edilmir.
Bəs dovşan əti yemək həqiqətən haramdır?
Pravda.az-a açıqlama verən ilahiyyatçı Elşad Mirinin sözlərinə görə, bununla bağlı “Qurani-Kərim”də hansısa dəlil yoxdur:
“Bu gün özlərini şiə adlandıran məzhəb dovşan ətinin haram olduğunu deyir. “Quran”da olmayan bir şeyi necə “haram” deyirlər onu da başa düşə bilmirəm. At ətinin də haram olması ilə bağlı dəlil yoxdur. Özbəkistan və Qazaxıstanda at əti yeyilir, hansısa problem də yoxdur. “Quran”da olmayan bir şeyə kimsə “haramdır” deyə bilməz. “Qurani-Kərim”də 16-cı surənin 116 ayəsində deyilir ki, “Dilinizə necə gəldi, “bu haramdır”, “o halaldır” deməyin””. Haramları buyrulanları müəyyənləşdirən əsas “Quran”dır. Məsələn, donuz ətinin haram olması “Quran”da qeyd edilib”.
