Ramiz Mehdiyev işi çərçivəsində saxlanılan sabiq deputat, Milli Şuranın üzvü Gültəkin Hacıbəyli İstanbuldan video yayıb.
Turkustan.az xəbər verir ki, onun videomüraciətini “Azadlıq Radiosu” paylaşıb.
Gültəkin Hacıbəyli ona qarşı irəli sürülən ittihamları qəbul etməyib.
“Hazırda İstanbuldayam. Taksim Polis Şöbəsində polis rəisini gözləyirəm. Türkiyədə iki illik oturumumun olmasına və Azərbaycan vətəndaşı kimi 3 aylıq qalma müddətimin bitməməsinə baxmayaraq, gecə saatlarında qapımı sındıraraq yaşadığım evdən məni buraya gətirdilər. Böyük ehtimalla məni aparıb təhvil verəcəklər. Bu, tamamilə absurddur, gülünc yanaşmadır. Sadəcə təəssüf edirəm, əlavə deyəcək sözüm yoxdur”./Globalinfo.az
