İran müharibədə növbəti dəfə ən böyük bəhanəsini ortaya qoydu: Hörmüz boğazı gəmiçilik üçün bağlanıb.
Turkustan.az xəbər verir ki, müharibənin 27-ci günündə İran İnqilab Keşikçiləri Korpusundan yeni bir açıqlama gəldi. İslam İnqilab Keşikçiləri Korpusunun İctimaiyyətlə Əlaqələr Bölməsi tərəfindən yayımlanan rəsmi açıqlamada bildirilirdi ki, marşrutundan asılı olmayaraq, "İsrail-Amerika ittifaqı"na və onun tərəfdarlarına məxsus limanlara gedən və ya gələn bütün gəmilərin keçidi qadağandır.
Bəyanatda deyilir ki, bu səhər müxtəlif ölkələrdən olan üç konteyner gəmisi icazə verilən dəhlizlərdən istifadə edərək boğazdan keçməyə cəhd edib. İnqilab Keşikçiləri Dəniz Qüvvələrinin müdaxiləsi və xəbərdarlıqları nəticəsində gəmilər marşrutlarından geri dönmək məcburiyyətində qalıblar.
ABŞ administrasiyasının Hörmüz boğazının açıq olduğunu iddia edən açıqlamalarının həqiqəti əks etdirmədiyini iddia edən İnqilab Keşikçiləri, boğazın faktiki olaraq bağlandığını vurğuladı. Bəyanat, qadağanı pozaraq boğazdan istifadə etməyə çalışan hər hansı bir elementin "sərt cavab" ilə qarşılaşacağı mesajı ilə yekunlaşdı.
Aytən Yaşar/ Turkustan.az
