Yəməndəki Husi lideri Əbdül Malik əl-Husi, ölkəsinin ABŞ və İsrailin İrana hücumları ilə bağlı neytral olmadığını və inkişafdan asılı olaraq lazım gələrsə, hərbi müdaxilə edə biləcəklərini bildirib.
Turkustan.az xəbər verir ki, Əbdülməlik əl-Husi Milli Müqavimət Günü münasibətilə Əl-Məsirə televiziya kanalında yayımlanan çıxışında mövzu ilə bağlı açıqlamalar verib.
İrana qarşı hücumlara toxunan Husi bildirib ki, əgər ərazidəki hadisələr hərbi cavab tələb edərsə, əvvəlki hallarda olduğu kimi qətiyyətlə cavab verəcəklər.
Husilər bildiriblər ki, onların mövqeyi neytral deyil, əksinə İslama və İslam icmasına olan sadiqliklərindən qaynaqlanır.
Husilər ABŞ və İsrailin İrana hücumlarının qlobal iqtisadi maraqlara zərər verdiyini və bu hücumların bölgənin təhlükəsizliyinə və sabitliyinə mənfi təsir göstərdiyini bildirib və İrana hücumların əsassız olduğunu vurğulayıb.
Husi bildirib ki, "Son illərdə regionda baş verən hadisələr Amerika və İsrailin Yaxın Şərqi dəyişdirmək və Böyük İsraili qurmaq məqsədi ilə bölgədəki bütün ölkələri hədəf alan sionist planını həyata keçirmək üçün çalışdığını açıq şəkildə göstərir".
Aytən Yaşar/ Turkustan.az
