NATO-nun baş katibi Mark Rutte bəyan edib ki, ABŞ-ın Milli Təhlükəsizlik Strategiyası onun Avropa təhlükəsizliyinə və alyansa sadiqliyini açıq şəkildə təsdiqləyir.
Turkustan.az xəbər verir ki, Rutte Almaniyaya rəsmi səfəri zamanı kansler Fridrix Merzlə birgə mətbuat konfransında danışıb.
Dekabrın 5-də dərc edilən və NATO-nun genişlənməsinə məhdudiyyətlərin qoyulması lazım olduğunu göstərən ABŞ-ın Milli Təhlükəsizlik Strategiyası ilə bağlı suala Rutte bildirib ki, onun əsas diqqəti bütövlükdə alyansın təhlükəsizliyini təmin etməkdir.
Rutte qeyd edib ki, "Bu baxımdan, Milli Təhlükəsizlik Strategiyası Avropanın təhlükəsizliyini və NATO-ya sadiqliyini bir daha təsdiqləyir. O, həmçinin Alyansın təhlükəsizliyini təmin etmək üçün NATO, Avropa, Kanada və ABŞ arasında güclü əməkdaşlığın zəruriliyini vurğulayır".
Rutte xatırladıb ki, ABŞ prezidenti Donald Tramp həm birinci, həm də ikinci müddətində avropalı müttəfiqlərindən “daha çox” iş görmələrini istəyib və NATO-nun Haaqa sammitində bununla bağlı qərar qəbul edilib.
Rutte qeyd edib ki, ABŞ NATO-nun daha çox şey etməyə hazır olduğunu görür.
Aytən Yaşar/ Turkustan.az
