İranda Mahsa Eminin ölümünün birinci ildönümündə təhlükəsizlik qüvvələri mümkün nümayişlərin qarşısını almaq üçün 260-dan çox adamı saxlayıb.
Turkustan.az xəbər verir ki, islahatçılara yaxınlığı ilə tanınan “Şark” qəzeti Emininin ölümünün ildönümündə - sentyabrın 16-da müxtəlif şəhərlərdə çoxlu sayda adamın saxlanıldığını yazıb.
Rəsmi mənbələrə əsaslanan məlumata görə, sentyabrın 16-da ölkə üzrə təhlükəsizlik qüvvələri tərəfindən 260-dan çox insan saxlanılıb.
Ən çox həbs Qərbi Azərbaycan vilayətində baş verib. Qərbi Azərbaycan polis komandanlığı 137 nəfərin saxlanıldığını açıqlayıb.
İsfahan vilayətində 97, Kürdüstan vilayətində isə 16 nəfər saxlanılıb.
Müxtəlif şəhərlərdə 10 nəfərin saxlanıldığı halda, paytaxt Tehran və Sistan-Bəlucistan əyalətində neçə nəfərin saxlanıldığı ilə bağlı açıqlama verilməyib.
2022-ci il sentyabrın 13-də İranın paytaxtı Tehranda “əxlaq polisi” kimi tanınan rəhbər patrullar tərəfindən saxlanıldıqdan sonra xəstələnərək xəstəxanaya yerləşdirilən 22 yaşlı Məhsa Emini sentyabrın 16-da dünyasını dəyişib.
Eminin ölümündən sonra 2022-ci il sentyabrın 17-də doğulduğu Səkkizdə başlayan nümayişlər bütün ölkəyə yayılaraq hökumət əleyhinə etirazlara çevrilib.
Aylarla davam edən hadisələrdə 500-ə yaxın nümayişçi həlak olub, yüzdən çox polis məmuru həyatını itirib.
Eltac/Turkustan.az
