İnkişaf etmiş ölkələrin əhalisi ət yemək vədişindən əl çəkməli olacaq.
Turkustan.az xəbər verir ki, bu barədə “Bloomberg” yazıb.
Belə ki, bu, qlobal aqro-qida sənayesini Paris iqlim sazişinə uyğunlaşdırmaq üçün ilk hərtərəfli planın bir hissəsidir.
Qlobal Qida Sistemləri Yol Xəritəsinin COP28 sammiti zamanı Ərzaq və Kənd Təsərrüfatı BMT tərəfindən açıqlanacağı gözlənilir. FAO-ya görə, həddindən artıq ət istehlak edən ölkələrə istehlaklarını məhdudlaşdırmaq tövsiyə ediləcək. Qeyri-kafi ət istehlakının geniş yayılmış qida problemlərinə səbəb olduğu nəzərə alınaraq, inkişaf etməkdə olan ölkələrə heyvandarlıq məhsullarını yaxşılaşdırmaq təklif ediləcək.
Təsərrüfatdan süfrəyə qədər qida sistemləri qlobal istixana qazı emissiyalarının təxminən üçdə birini təşkil edir. Bu təsirin böyük hissəsi heyvandarlıqdan gəlir. FAO-nun planı məcburi olmasa da, onun siyasət və investisiya qərarlarına rəhbərlik etməsi gözlənilir.
“Ət məsləhəti” hökumətlərə aydın mesaj göndərmək məqsədi daşıyır. Lakin daha zəngin ölkələrdə siyasətçilər istehlakçıların davranışına təsir göstərməyə yönəlmiş tədbirlərdən çəkinirlər.
“Heyvandarlıq siyasi cəhətdən həssas bir məsələdir, lakin bu problemi həll etmək üçün həssas məsələləri həll etməliyik”,-deyə dedi qida sistemlərində iqlim fəaliyyətini sürətləndirmək üçün işləyən “Clim-Eat”-ın təsisçisi Dhanuş Dineş bildirib.
Onun sözlərinə görə, əgər biz heyvandarlıq problemi həll edilməsə, iqlim dəyişikliyi problemini həll olunmayacaq:
“Əsas problem həddindən artıq istehlakdır”.
FAO-nun məlumatına görə, orta amerikalı ildə təxminən 127 kiloqram ət istehlak edir, Nigeriyada bu rəqəm 7 kiloqram, Konqo Demokratik Respublikasında isə cəmi 3 kiloqramdır. Eat-Lancet Komissiyası insanlara ildə 15,7 kq-dan çox olmayan ət istehlak etməyi tövsiyə edir.
Azərbaycanda 2021-ci ildə adambaşına düşən bütün növ ət məhsullarının istehlakında ümumi göstərici 41.2 kiloqram olub. Bu isə 2020-ci ilin rəqəmləri ilə müqayisədə 0.98% çoxdur.
Cebhe.info “Metrix”in araşdırmasına istinadən xatırladır ki, 2020-ci il ilə müqayisədə 2021-ci ildə mal ətinin istehlakında 2.45% azalma qeydə alınıb.
Digər növ ət məhsullarına gəlincə, qoyun və keçi ətinin istehlakında 1,12%, quş ətinin istehlakında 5.47%, balıq məhsullarının istehlakında isə 1.36% artım olub. /Cebhe.info/
