Beynəlxalq bazarlarda Brent markalı neftin bir barreli 88,57 dollara satılır.
Turkustan.az xəbər verir ki, ötən gün 88,51 dollara kimi bahalaşan Brent markalı neftin bir barel qiyməti günü 88,42 dollarla başa vurub. Brent markalı neftin bir barelinin qiyməti bu gün saat 08.40-da bağlanış vaxtı ilə müqayisədə 0,16 faiz artaraq 88,57 dollar olub. Eyni zamanda West Texas Intermediate (WTI) markalı xam neftin bir bareli 83,48 dollara satılıb.
Neft qiymətlərinin qismən artmasına ABŞ-da güclü tələb proqnozu və neft tədarükü ilə bağlı narahatlığı artıran Yaxın Şərqdəki gərginlik təsir edib.
Amerika Neft İnstitutunun (API) məlumatına görə, ABŞ-ın kommersiya xam neft ehtiyatları keçən həftə gözləntiləri aşaraq, əvvəlki həftə ilə müqayisədə 3,23 milyon barrel azalıb. Bazar gözləntisi ehtiyatların 1,8 milyon barel artacağı idi.
Dünyanın ən böyük neft istehlakçısı olan ABŞ-ın kommersiya xam neft ehtiyatlarının azalacağı ilə bağlı proqnozlar ölkədə tələbin güclü olduğu qənaətini gücləndirib və neftin qiymətinin yüksəlməsinə dəstək verib.
ABŞ Enerji İnformasiya İdarəsi (EIA) bu gün rəsmi neft ehtiyatı məlumatlarını açıqlayacaq. Səhmlərdə azalma olarsa, neft qiymətlərinin artmağa davam edəcəyi gözlənilir.
Digər tərəfdən, İsrail-Fələstin münaqişələri səbəbiylə Yaxın Şərqdə yaranan yüksək gərginlik neft qiymətlərinə təsirini davam etdirir. İsrailin Qəzzaya hücumları qlobal neft ehtiyatlarının əksəriyyətinin yerləşdiyi Yaxın Şərqdə tədarükün daha da kəsiləcəyi ilə bağlı narahatlıqları artıraraq neft qiymətlərinin artmasında təsirli olur.
Bildirilir ki, texniki olaraq Brent markalı neftin 89,28-90,12 dollar aralığında müqavimət, 86,50-86,30 dollar arası isə dəstək zonası kimi izlənilə bilər.
Eltac Zülfüqaroğlu/Turkustan.az
