Beynəlxalq bazarlarda Brent markalı neftin bir barreli 87,56 dollara satılır.
Turkustan.az xəbər verir ki, cümə günü 89,83 dollara kimi bahalaşan Brent markalı neftin barel qiyməti günü 88,21 dollarla başa vurub. Brent markalı neftin bir barelinin qiyməti bu gün 09.14-ə bağlanış vaxtı ilə müqayisədə 0,73 faiz azalaraq 87,56 dollar olub. Eyni zamanda, West Texas Intermediate (WTI) markalı xam neftin bir bareli 83,14 dollara satılıb.
Ölkənin Xarici İşlər Nazirliyindən verilən yazılı açıqlamaya görə, Blinkenin Qəzzada atəşkəs səylərini və məhbusların azad edilməsini müzakirə edəcəyi, Qəzzaya humanitar yardımı müzakirə edəcəyi bildirilib.
Əsas neft istehsalçılarının və ticarət yollarının yerləşdiyi Yaxın Şərqdə atəşkəs mümkünlüyü, tədarüklə bağlı narahatlıqları azaldaraq neft qiymətlərinin aşağıya doğru hərəkətini dəstəklədi.
Eyni zamanda, ABŞ Federal Ehtiyat Sisteminin (FED) faiz qərarı ilə bağlı qlobal bazarlarda qeyri-müəyyənliklər neft qiymətlərinə azaldıcı təsirini davam etdirir.
ABŞ-da keçən həftə açıqlanan məlumatların qarışıq siqnallar verməsi ilə əlaqədar olaraq, FED-in ilin son rübünə doğru ilk faiz endirimini edəcəyi ilə bağlı gözləntilər pul bazarlarında qiymətləşmədə təxirə salınmağa davam edir.
Yüksək faiz dərəcələri ABŞ dollarının digər valyutalar qarşısında möhkəmlənməsinə səbəb olur və bu, digər valyutalardan istifadə edən ölkələr üçün neftin bahalaşmasına səbəb olur. Bu vəziyyət neftin qiymətinə mənfi təsir göstərir.
Bildirilir ki, texniki olaraq Brent markalı neftin 87,87-88,16 dollar aralığı müqavimət, 87,43-87,28 dollar arası isə dəstək zonası kimi izlənilə bilər.
Eltac Zülfüqaroğlu/Turkustan.az
