Livan Prezidenti Cozef Aun ölkənin İsrail hücumları və daxili problemlər səbəbindən çətin dövrdən keçdiyini bildirib.
Turkustan.az xəbər verir ki, Aun keçmiş Baş nazir Rəşid Kərəminin sui-qəsdinin 39-cu ildönümü münasibətilə yayımladığı mesajda dövlət qurumlarını yenidən qurmaq və xalqın problemlərinə son qoymaq üçün çalışdıqlarını qeyd edib.
O vurğulayıb ki, İsrail hücumları fonunda dövlət və onun institutlarının yenidən qurulması istiqamətində qətiyyətli addımlar atılır.
Aun həmçinin bildirib ki, Livan bu gün bölünmə deyil, birlik yaradan və səs-küyün üzərində yüksələn dövlət xadimlərinə ehtiyac duyur.
Prezident qeyd edib ki, Rəşid Kərəmi təkcə siyasi lider deyil, həm də ölkənin birliyi və həmrəyliyini müdafiə edən mühüm dövlət xadimi olub.
Aytən Yaşar/ Turkustan.az
