ABŞ administrasiyası İranda davam edən müharibəni 9 aprel 2026-cı ilədək yekunlaşdırmağa çalışır.
Turkustan.az xəbər verir ki, bu barədə Ynet portalı israilli mənbəyə istinadən məlumat yayıb. Nəşrin yazdığına görə, belə bir tarix seçimi ABŞ prezidenti Donald Trampın daha sonra İsrailə səfər etməsi planı ilə də əlaqələndirilir.
Mənbənin sözlərinə görə, müharibənin 9 aprelədək dayandırılması Trampa İsrailin müstəqillik günü ərəfəsində ölkəyə gəlmək və ona təqdim ediləcəyi bildirilən “İsrail mükafatı”nı almaq imkanı verə bilər.
Ynet qeyd edir ki, Vaşinqton və Tehran arasında bu həftə Pakistan ərazisində təmasların keçirilməsi də gözlənilir.
Qeyd edək ki, İsrailin Müstəqillik Günü — Yom HaAtzmaut — 2026-cı ildə 21 aprel axşamından 22 aprel gecəsinədək qeyd olunur. Bu səbəbdən Ynet-də çəkilən 9 aprel tarixi, görünür, birbaşa bayram gününün özü ilə deyil, daha geniş siyasi-diplomatik təqvimlə əlaqələndirilir.
Bu arada, regionda hərbi vəziyyət gərgin olaraq qalır. Reuters-in məlumatına görə, İsrail ordusu martın 23-də Tehrana zərbələr endirdiyini açıqlayıb.
Eyni zamanda, Associated Press yazır ki, Donald Tramp İran tərəfi ilə danışıqlar aparıldığını desə də, Tehran bunu inkar edir və tərəflərin açıqlamaları bir-birinə zidd qalır./Bizim.Media
