İran hərbi aviasiyası pilotsuz uçuş aparatları ilə İsrailə hücuma başlayıb.
Bu barədə adıçəkilən ölkənin "KAN" radiosu məlumat yayıb.
İsrail rəsmiləri məlumatı təsdiqləyib.
İsrailin 12-ci kanalının məlumatına görə, Tel-Əviv yaxınlığındakı Ben Qurion hava limanı gecə üç saatlıq bağlanacaq.
İsrail İranın birbaşa hücumuna hazırdır və buna cavab verəcək.
Bu barədə İsrail Baş naziri Benyamin Netanyahu xalqa videomüraciətində bildirib.
"Biz həm müdafiədə, həm də hücumda istənilən ssenariyə hazırıq. İsrail dövləti, ordusu, ictimaiyyət güclüdür", - o qeyd edib.
***
İran İsrailə doğru onlarla kamikadze tipli pilotsuz uçuş aparat ilə hücum edib.
Turkustan.az xəbər verir ki, bu barədə "Axios" nəşrinin siyasi müxbiri Barak Ravid dörd Amerika və İsrail mənbəsinə istinadən "X" sosial şəbəkəsində yazıb.
Eyni məlumatı İsrailin KAN radiosu da yayıb. Bundan bir qədər əvvəl İsrail Hərbi Hava Qüvvələrinin müdafiə və hücum sistemləri həyəcan vəziyyətinə gətirilib. Əməliyyat ABŞ-la razılaşdırılaraq həyata keçirilir.
İsrailin baş naziri Benyamin Netanyahu deyib ki, İsrail İrana birbaşa hücuma hazırdır. İordaniya hakimiyyəti saat 23:00-dan hava məkanını müvəqqəti olaraq bağlayıb.
“İsrail Hərbi Hava Qüvvələrinin müdafiə və hücum sistemləri hazır vəziyyətdədir və səmada onlarla hazırlanmış təyyarə var. Biz strateji tərəfdaşlarımızla, ilk növbədə ABŞ-la vəziyyəti qiymətləndiririk və onlarla sıx koordinasiyanı davam etdiririk”, - deyə İsrail ordusunun sözçüsü Daniel Hagari brifinqdə bildirib . O, həmçinin bildirib ki, bu həftə İsrail ordusu vəziyyəti qiymətləndirib və İrandan hücuma hazırlıq planlarını təsdiqləyib.
Bundan əvvəl "Əl-Cəzirə" telekanalı Amerika administrasiyasının nümayəndəsinə istinadən yazıb ki, ABŞ-ın məlumatına görə, İran aprelin 14-də səhər tezdən Dəməşq İslam Respublikasının konsulluğuna hücuma cavab olaraq İsrailə hücum edə bilər.
