CNN iddia edir ki, ABŞ prezidenti Tramp Venesuela prezidenti Maduronu zəiflətmək strategiyasının bir hissəsi kimi narkotik kartellərinə, o cümlədən daxili hədəflərə qarşı hərbi zərbələr endirmək üçün bir çox variantları nəzərdən keçirir.
Turkustan.az xəbər verir ki, CNN-in ABŞ hökumətinin planları ilə tanış olan çoxsaylı mənbələrə istinadən verdiyi məlumata görə, sentyabrın 2-də Venesueladan yola düşdüyü iddia edilən narkotik yüklü qayığa hücum bu variantların birbaşa əksidir.
Bu hücumun Maduronu hakimiyyətdən potensial olaraq uzaqlaşdırmağa yönəlmiş daha böyük səylərin yalnız başlanğıcı olduğu iddia edilir.
Bununla belə, bir çox Ağ Ev rəsmisi ABŞ-ın son həftələrdə Karib hövzəsinə əhəmiyyətli hərbi qüvvələr yerləşdirdiyini və bunun “Maduroya siqnal” olduğunu iddia edirdi.
Aytən Yaşar/ Turkustan.az
