Türkiyədə illik inflyasiya kəskin şəkildə aşağı düşüb.
Turkustan.az xəbər verir ki, bu barədə “Bloomberg” məlumat yayıb.
Dövlət Statistika Agentliyinin məlumatına görə, qiymət artımı apreldə 37,9 faizdən may ayında 35,4 faizə enib. Analitiklərin fikrincə, inflyasiya 2021-ci ilin noyabr ayından bəri ən aşağı səviyyəyə düşüb və bu, mərkəzi banka faiz dərəcələrini aşağı salmağa imkan verə bilər.
Ölkədə aylıq inflyasiya təxminən iki dəfə azalaraq 1,5 faiz təşkil edib. Ərzaq qiymətləri düşüb.
Ötən ilin martında Türkiyədə əsas faiz dərəcəsi 50 faizə çatıb, dekabr ayından isə azalmağa başlayıb. Aprel ayında Mərkəzi Bankın rəhbəri Fatih Karahan, tənzimləyicinin inflyasiyada davamlı yavaşlama və qiymət sabitliyi görünənə qədər sərt pul siyasətinə (MP) riayət etməyə davam edəcəyini bildirib./publika.az
