Uqandalı iş adamı Hacı Habib Nsikonnene sentyabrın 10-da qəribə toy mərasimi edib.
Turkustan.az xarici mətbuata istinadən xəbər verir ki, o, eyni gündə 7 qadınla evlənib.
Qadınların adları Məryəm, Mədinə, Aişə, Zeynəb, Fatimə, Rəşidə və Musanyusədir. Gəlinlərdən ikisinin bacı olduğu bildirilir.
Məlumata görə, Nsikonnene onların hər birinə hədiyyə olaraq yeni avtomobillər alıb, onların hər birinin öz avtomobillərinin üzərində adları yazılıb.
"Mənim arvadlarım öz aralarında qısqanclıq etmirlər. Onları ayrı-ayrılıqda təqdim etdim və böyük bir xoşbəxt ailə yaratmaq üçün hamısı ilə eyni vaxtda evlənməyə qərar verdim. Mən hələ gəncəm və yaxın gələcəkdə bunun sonu olduğunu deyə bilmərəm”, - Nsikonnene toyda çıxışı zamanı bildirib.
(modern.az)
