Yaxın Şərq münaqişəsinin yaratdığı qlobal enerji böhranı yay mövsümü yaxınlaşdıqca yeni bir mərhələyə qədəm qoyur.
Turkustan.az “Financial Times”a istinadən xəbər verir ki, təxminən 80 ölkə iqtisadiyyatlarını qorumaq üçün təcili tədbirlər tətbiq edib. Aberdeen şirkətinin aktivlər üzrə meneceri Pol Diql qəzetə bildirib ki, Brent markalı xam neftin qiyməti bir barel üçün 180 dollara çata bilər.
Neft, dizel və reaktiv yanacağın tədarükü istehlakçıların kondisionerlərə və beynəlxalq səyahətlərə artan tələbatı ilə daha da pisləşə bilər. Qəzet qeyd edir ki, iqtisadçılar qlobal ehtiyatların rekord həddə tükənməsi səbəbindən neft qiymətlərində yeni bir artım ehtimalı barədə xəbərdarlıq ediblər.
Nəqliyyat və turizm üzrə Avropa Komissarı Apostolos Tzitzikostas bildirib ki, Yaxın Şərq münaqişəsi yaxın həftələrdə həll olunmazsa, "qlobal tənəzzül qaçılmaz ola bilər". /Musavat.com/
