“Yerli mediada sülhə canatma və Kremlə qarşı mübarizəsi ilə Nikolun təriflənməsini ehtiva edən materiallar yayılır”.
Turkustan.az xəbər verir ki, bunu Azərbaycanın sabiq xarici işlər naziri, politoloq Tofiq Zülfüqarov deyib.
O qeyd edib ki, Paşinyanın Rusiyaya qarşı mübarizəsində şübhəli məqamlar var:
– Niyə Rusiya ilə ticarət dövriyyəsi və Rusiya sanksiyalarından yayınma əməliyyatlarının həcmi davamlı artır?
– Niyə 2018-ci ildən bəri Ermənistanda, Nikolun rəhbərlik etdiyi ölkədə Moskvanın mövcud olduğu geniş hərbi və təhlükəsizlik infrastrukturunun heç bir elementi aradan qaldırılmayıb?
– Niyə o, hər çıxışında Alma-Ata Bəyannaməsinin prinsiplərinə sadiqliyə and içsə də, parlamentdə onun çoxluğu olduğu halda 1991-ci il sənədini qəbul etməyən düzəlişlər hələ də ləğv edilməyib?
– Niyə Paşinyanın Moskvaya səfərindən sonra TRIPP layihəsinin icrası ilə bağlı heç bir məlumat yoxdur?
– Niyə TRIPP layihəsi çərçivəsində erməni tərəfi yalnız həmin sərhəd hissəsində demarkasiya və delimitasiyanın aparılmasını təklif edib?
– Niyə “sülh gündəliyi”ndən danışarkən Paşinyan hərbi parad keçirməyi və yeni hərbi texnikanın nümayişini planlaşdırır?
– Niyə o, seçki kampaniyası zamanı Konstitusiyanın dəyişdirilməsi ilə bağlı referendum keçirmək istədiyini heç vaxt deməyib?
Çoxlu “niyə” var, davam edə bilərəm”, – deyə qeyd edib./Globalinfo.az
